Hafiza Kaise Mazboot Ho? | Hafiza Tez Karne Ke Nuskhe

 Assalamu Alaikum Warahmatullahi Wabarakatuhu. Umeed Hai Ke Aap Sab Khairiyat Hoge. 

Aaj Hum Aapko Iss Post Ke Zariye Kuch Ahem Maalumat Karne Ki Koshish Karenge Jo Ke Khaas Mouzu Kuwwat E Hafiza Par Mustafeez Hai. Ji Haan Aaj Hum Kuwwat E Hafiza Ke Chand Asbaab Aapke Saamne Rakhne Ki Koshish Karenge, Lihaaza Aap Iss Post Ko Bilakhir Tak Zaroor Padhein. In Sha Allah Kuch Na Kuch Seekne Ka Faida Hoga (In Sha Allah Azzuwajal).

DUROOF SHAREEF KI FAZILAT

Rasool E Akram, Noor E Mujassam Sakar E Do Aalam ﷺ Ka Farmane Aalishaan Hai “Jab Tum Koi Cheez Bhool Jao Toh Mujh Par Durood E Shareef Padho In Sha Allah Yaad Aajeyega"


 i. HAFIZA MAZBOOT KARNE KE TAREEKHE

  YAAD KARNE SE PEHLE KAABIL E TAWWAJJOH UMOOR

Hamaare Roz Marra Ke Mu’amle Me Kuch Aadatein Aisi Shaamil Ho Jaati Hai Jo Kuwwat E Hafiza Ke Liye Bahut Nuksaandeh Hoti Hai. Lihaaza Acchi Aadatein Apnana Aur Buri Aadatein Chorna hamaari Yaad’dast Ko Kawi Karne Ke Liye Nihayat zaroori Hai. Yaad Karne Se Qabl Niche Diye Gaye 11 Umoor Ka Lihaaz Rakha Jaye Toh Kisi Bhi Baat Ko Jald Se Zehenasheen Karne Mein Kaafi Aasani Hogi (In Sha Allah).

•         Acchi Niyyat Ka Hona.
•         Gunaho’n Se Dur Hona.
•      Sirf Rizq E Halal Par Ihsaar (yaani Tawajjuh Karna).
•          Ilm par Amal Ka Jazba Paida Karna.
•          Har Waqt Ba-Wazu Rahna.
•          Baargah-E-Ilaahi Me Dua Karna.
•          Muazzam Zindagi Guzaarna.
•         Neend Ka Khaas Khayal Rakhna.
•         Allah Ta’ala Ka Shukr Ada Karna.

Inn Umoor Ko Amali Zindagi Me Naafiz Karne Ke Baad Aap Apne Zehen Ko Khud Par Sukoon Mehsoos karenge Aur Isi Sukoon Aur Itminaan Ki Badaulat Koi Bhi Cheez Zehenasheen Karna Nihayat Aasan Ho jaayega (In Sha Allah).

ii.KUCH AURAAD O WAZAIF

Meethe Meethe Islami Bhayion! Kuwwat E Yaad’dast (Yaani Hafize) Ko Badhane Mein jahan Upar Diye Gaye Umoor Bahut Mu’assir Hai, Wahi’n Auraad O Wazaif Padhne Ki Apni Barkatein Hai. Inn Ki Badaulat Na Sirf Hafiza Mazboot Hota Hai, Balki Sawaab Ka Zakhira Bhi Ikhatta Hota Hai, Dil Mein Roohaniyat paida Hoti Hai Aur Allah Ta’ala Ki Toufeeq Naseeb Hoti Hai. Toh Aaiye Inn Aurad O Wazaif Par Roushni Daal’te Hai.

1> Hazrat E Sayyiduna Ikrama Radi Allahu Ta’ala Anhu Farmate Hai Ki “Jo Musalmaan Tilawat-E-Qu’ran Ka Aadi Ho (Yaani Qu'ran pak Ko Kasrat Ke Saath Padhta Ho) Uss Par Budhape Mein Bhool Jaane Ki Bimari Tari Na Hogi”! (Subhanallah).

2> Namaz-E-Tahajjud Ada Karna Aur Tilawat-E-Qu’ran Pak Karna Hafiza Mazboot karne Ke Asbaab Mein Sabse Aala Darja Hai. Kaha Gaya Hai Ki Qu’ran Ko Dekh Kar Padhe Se Zyada Koi Aur Cheez Kuwwat-E-Hafiza Tez Nahi Karti.
Paancho’n Namazo’n Ke Baad Dahina (Right) Haat Sar Par Rakh Kar 11 Martaba “Ya Kawiyyu” Padhein In Sha Allah hafiza Kawi Hoga.

3> Har Namaz Ke Baad “Aamantu Billahi Walwahadil Ahaadil Haqqi Wahadahu La Sharikalahu Wakafartu Bima Siwaahu” Ye Wazifa Padhna Chahiye.

4> Yaad’dasht Me Behtari Ke Liye 41 Din Tak Rozana 21 Martaba “Ya Alimu”  paani Me Padhkar Nihaar Mu’nh Piye In Sha Allah Hafiza Roushan Ho Jayega.

5> Agar Kuch Padhna Hoto “Rabbishrahali Sadri Wa Yassirli Amri Wahalul Ukhdatam Mil’lisaani Yafkhahu Qhawli” Iss Aayat-E-Mubarak Ko Padhne Se Pehle Wird Karlein.

6> “Sallu Alal Habeeb! Sallallahu Ta’ala Mohammad” Har Roz Magrib Aur Isha Ke Darmiyaan Ye Durood Shareef Padhe! In Sha Allah Hafiza Kawi Hojayega!

iii.HAFIZA PAIDA KARNE KI GHIZAAYEIN

1> Miswak Karna.

2> Shahad (Honey) Ka Istemaal.

3> Nihaar Mu’nh 21 Din Tak Kishmish Khaana.

4> Kaddu Shareef Khana.

5> Kishmish Aur Badam Ko Bhigokar Subah 21 Din Tak Doodh Ke Saath Chabakar Khaana. Jisse Sar Dard Ko Kam Aur Hafize Ko Badhaata Hai.

6> Pista Dil O Dimaagh Ko Kuwwat Baksh’ta Hai. Badan Ko Mota Aur Gurde Ki Kamzoori Ko Dur Karta Hai. Zehen Aur Hafiza Mazboot Karta Hai.

7> Kaju Jism Ko Ghizayiyyat Aur Dimaagh Ko Taaqat, Badan Ko Mota, Nihaar Mu’nh Sehed (honey) Ke Saath Kaju Khaana Bhoolne Ki Bimari Ko Dur Karta Hai.

6> Moongfali Apne Fawaaid Mein Kaju Aur Akhroat Waghaira Se Kam Nahi Hai. Lihaaza Agar Kaju Dastyaab Na Ho Toh Moongfali Ke Zariye Bhi Inn Fawaaid Ko Haasil Kiya Jaa Sakta Hai.

7> Pyaare Aaqa Sallallahu nAlaihi Wasallam Ka Hikmat Nishaan Hai “Munakka Behtareen Khaana Hai! Munkka Aasab (Yaani Naso’n Aur Pat’thon) Ko Mazboot Karta Hai, Kamzoori Ko Dur, Gusse Ko thanda, Balgham Ko Dur, Chehre Ki Rangat Aur Mu’nh Ko Khushboodaar Karta Hai.

8> Jo Shaksh Khoufzada Ho Who 21 Din Tak Surhkh Munakke Khaane Se Tamam Amraaz Se Dur Hoga.

Inn Nafabakhsh Ghizao’n Ke Bawajood aur Kayi Saare Ghizyein Hai Jo Kuwwat-E-Hafiza Ko Badhaate Hai. Jaise Ke

9> Badam Aur Anjeer.

10> Itr (Perfume) Lagaana.

11> Gosht (Meat) Khaana.

12> Jawaan Murg Ka Gosht Khaana.

13> Machili Ka Sar Khaana.

14> Lobiyan (Beans) Khaana.

          Note: Agar Hafiza Tez Hone Ke Aur Kayi Saari Jaankaari Chahiye Ho Toh Niche Diye Gaye Link Par Jaakar Downlaod Karlein!

Download Here

Lihaaza Iss Post Ko Apne Dosto'n Aur Rishtedaaro'n Me Kasrat Ke Saath Share karei'n

Join Whatsapp Group

Ummat_E_Mohammad

Click Here